ამის შესახებ ინფორმაციას BBC ავრცელებს.

რატომ არის მნიშვნელოვანი: თურქეთსა და სირიაში მომხდარმა დამანგრეველმა მიწისძვრამ ამ დროისათვის 25 000 ადამიანის სიცოცხლე შეიწირა.

  • უცნობია ნანგრევებში მოქცეული ადამიანების ზუსტი რიცხვი.
  • გაერომ მიწისძვრა შეაფასა, როგორც რეგიონში ბოლო 100 წლის განმავლობაში მომხდარი ყველაზე საშინელი მოვლენა.

დეტალები: სამხრეთ თურქეთში სამაშველო სამუშაოები უსაფრთხოების მდგომარეობის გაუარესებამ შეაფერხა.

  • გერმანელმა მაშველებმა და ავსტრიის არმიამ სამძებრო სამუშაოები უცნობ ჯგუფებს შორის შეტაკებების გამო შეაჩერეს.
  • ავსტრიის თავდაცვის სამინისტროს განცხადებით, თურქეთის არმია მაშველებს დაიცავს და დაეხმარება სამაშველო ოპერაციები განაგრძონ.
  • ერდოღანმა ქვეყანაში საგანგებო მდგომარეობა შემოიღო და განაცხადა, რომ გატაცებასა და ძარცვაში ჩართულ ადამიანებს სახელმწიფო მკაცრად დასჯის.
  • თურქეთის სახელმწიფო მედიის ცნობით, ძარცვის ბრალდებით დაკავებულია 48 ადამიანი.