უკრაინის პრეზიდენტთან შეხვედრის ამსახველი კადრი, უნგრეთის პრემიერმინისტრმა თავად გამოაქვეყნა.

რატომ არის მნიშვნელოვანი: ამ ორ ქვეყანას შორის ურთიერთობა დაძაბულია, რადგან ორბანი, ევროკავშირში რუსეთის პრეზიდენტის უახლოესი მოკავშირედ განიხილება.

  • უნგრეთი უკრაინისთვის €18 მილიარდის ფინანსური დახმარების გამოყოფას მხარს არ უჭერდა.
  • რამდენიმე თვის წინ კი მათი პრემიერმინისტრი სკანდალში გაეხვა, როცა გამოჩნდა კაშნეთი, რომელზე დახატულ რუკაზეც მეზობელი სახელმწიფოს, მათ შორის,უკრაინის ნაწილები უნგრეთის შემადგენლობაში იყო მოქცეული.

რა მოხდა ბრიუსელში: გუშინ მედიაში გავრცელებულ კადრებში ჩანდა, რომ ორბანი ყველანაირად არიდებდა თავს უკრაინის პრეზიდენტთან გადაკვეთას და არც საერთო ტაშსა და ოვაციებს შეუერთდა.

  • შესაბამისად, დიდი ინტერესი იყო, გამოელაპარაკნენ თუ არა ისინი ერთმანეთს.

დეტალები: უნგრული მედიის ინფორმაციით, ევროკავშირის ლიდერების სამიტის დროს სახელმწიფოებისა და მთავრობის მეთაურები უკრაინის პრეზიდენტთან მოლაპარაკებისთვის ოთხ ჯგუფად დაიყვნენ.

  • ორბანი ზელენსკის ბულგარეთის, კვიპროსის, საბერძნეთის, ხორვატიის, ავსტრიისა და სლოვენიის ლიდერებთან ერთად შეხვდა.
  • მედიის ინფორმაციით, მოლაპარაკებებისას ზელენსკიმ ის კიევში მიიწვია, თუმცა უცნობია მიიღო თუ არა ორბანმა შეთავაზება.
  • გამოცემა წყაროზე დაყრდნობით წერს იმასაც, რომ 8 ლიდერის ოცდაათწუთიანი საუბრის მთავარი თემა იარაღის მიწოდება იყო და ზელენსკიმ დაიწყო სიით, თუ რა იარაღი სჭირდება უკრაინას — ავსტრიის კანცლერმა და უნგრეთის პრემიერმინისტრმა მაშინვე განაცხადეს, რომ თხოვნის შესრულება შეუძლებელი იყო.

ფოტო: ვიქტორ ორბანი / FB