ინფორმაციას ალბანეთის პოლიცია აქვეყნებს.

რატომ არის მნიშვნელოვანი: 2018 წლის ივლისში მინდია გორაძე, იგივე ლავასოღლი დამნაშავედ ქურდული სამყაროს წევრობისა და ქურდულ შეკრებაში მონაწილეობაში ცნეს და ბრალი დაუსწრებლად წარუდგინეს.

  • 2020 წლის ოქტომბერში მას ქუთაისის სასამართლომ დაუსწრებლად 12 წლის ვადით თავისუფლების აღკვეთა მიუსაჯა.
  • 2021 წლის 3 იანვარს ლავასოღლი ოდესის აეროპორტში დააკავეს. გავრცელებული ინფორმაციით, ის უკრაინაში ბელარუსიდან ჩავიდა.
  • მედიის ცნობით, აეროპორტში შემოწმებისას მას პირადობის დამადასტურებელი საბუთები არ ჰქონია, რის გამოც, მესაზღვრეებმა ქვეყანაში შესვლის უფლება არ მისცეს და ბელარუსში დააბრუნეს.

დეტალები: ალბანეთის პოლიციის განცხადებით, დაასრულეს კიდევ ერთი ოპერაცია ძალადობრივი დანაშაულებრივი დაჯგუფების ხელმძღვანელის დასაკავებლად, რომელმაც შეიარაღებული ძარცვა და ძალადობა ჩაიდინა საქართველოსა და სხვა ქვეყნებში.

  • მათივე ცნობით, ის ტირანაში იმალებოდა და უკრაინის მოქალაქის გვარით, ყალბი პასპორტით გადაადგილდებოდა.
  • პოლიციის ინფორმაციით, გრძელდება მუშაობა, რათა გორაძის საქართველოში ექსტრადირება მოხდეს.