ამერიკის შეერთებული შტატების არმიის ელიტური ქვედანაყოფი Delta ერაყის ტერიტორიაზე გასაიდუმლოებულ ოპერაციებს იწყებს.

როგორც CNN თავის წყაროზე დაყრდნობით იუწყება, ჯარისკაცები ბოლო რამდენიმე კვირის განმავლობაში ერაყის ტერიტორიაზე ჩავიდნენ, შესაბამისი მოსამზადებელი სამუშაოები ჩაატარეს, მოაწყვეს კონსპირაციული ბინები და საკომუნიკაციო სისტემა და უახლოეს მომავალში ISIS-ის ლიდერებისა და ხელმძღვანელების გასანეიტრალებლად ოპერაციას დაიწყებენ.

პენტაგონში ამ ინფორმაციაზე კომენტარს არ აკეთებენ, თუმცა აშშ თავდაცვის მდივანმა ეს ინფორმაცია ნაწილობრივ დაადასტურა:

"ერთადერთი რისი თქმაც შემიძლია, არის ის, რომ ქვედანაყოფმა პოზიციები დაიკავა, მათი მოქმედება უკვე ეფექტიანია და დარწმუნებული ვარ, რომ შედეგს გამოიღებს."

კარტერის თქმით, ქვედანაყოფი ჩაატარებს რეიდებს, დაიკავებს სხვადასხვა შენობებს, დააპატიმრებს სამხედრო დამნაშავეებს და გაათავისუფლებს ISIS-ის ტყვეებს.

დეტალური ინფორმაცია დელტას დისლოკაციის შესახებ არ ვრცელდება, თუმცა CNN რამდენიმე წყაროზე დაყრდნობით წერს, რომ ქვედანაყოფის წევრები ერაყსა და სირიაში რამდენიმე ადგილას განლაგდნენ.

ელიტური სამხედროები აქამდე ავღანეთში ატარებდნენ იგივე სახის ოპერაციებს, რის შედეგადაც აშშ-ს უშიშროებამ და თავდაცვის სტრუქტურებმა უმნიშვნელოვანენის ინფორმაციები მოიპოვეს.

დელტას ბოლო გახმაურებული ოპერაცია 2015 წლის მაისში, სირიაში ჩატარდა, როდესაც მათ ISIS-ის ერთ-ერთ შტაბში ორგანიზაციის ერთ-ერთი ლიდერი აბუ საიაფი მოკლეს, ხოლო მისი მეუღლე დააკავეს. ოპერაციისას მოპოვებული და პატიმრის დაკითხვის შედეგად მიღებული ინფორმაცია აშშ-ს სამხედრო ძალებს რამდენიმე მომდევნო ოპერაციის დაგეგმვისაში დაეხმარათ.

აბუ საიაფის წინააღმდეგ ჩატარებული ოპერაცია, აქამდე ცნობილი ერთადერთი ოპერაციაა, რომელშიც ქვეთი ჯარები მონაწილეობდნენ. აშშ ISIS-ის ლიდერებს თავს ძირითადად დრონების საშუალებით ესხმის.

დეკემბერში კონგრესის წინაშე გამართული მოსმენისას, ეშ კარტერმა განაცხადა, რომ პენტაგონმა დელტას შესაბამისი ძალები ახლო აღმოსავლეთში გადასხა, რათა უფრო მასშტაბური ოპერაციები ჩატარდეს.

არსებული ინფორმაციით, ქვედანაყოფი ამჟამად მხოლოდ ერაყში მოქმედებს და სირიაში ოპერაციების განხორციელება მხოლოდ მაშინ დაიწყება, როდესაც აშშ-ს არმიას საკმარისი შესაბამისი ინფორმაცია ექნება.

დელტა 200 კაციანი შემადგენლობით იმყოფება ერაყში და მოპოვებული ინფორმაციის საფუძველზე რამდენიმე ანტი-ტერორისრული ოპერაციისთვის ემზადება.