ტელეკომპანია რუსთავი 2-ის გენერალური დირექტორის მოადგილე, ზაალ უდუმაშვილი ამბობს, რომ ჯერ ისევ არ აქვს გადაწყვეტილი იქნება თუ არა ნაციონალური მოძრაობის თბილისის მერობის კანდიდატი. ამის შესახებ უდუმაშვილმა On.ge-ს განუცხადა.

"ჯერჯერობით არაფერს არ ვაპირებ, მოფიქრების პროცესში ვარ. იოლი არ არის ამ საკითხზე ფიქრი, როცა ჩამოვყალიბდები მერე ოფიციალურად განვაცხადებ," - აღნიშნა უდუმაშვილმა.

რამდენიმე დღის წინ ცნობილი გახდა, რომ ზაალ უდუმაშვილი ნაციონალური მოძრაობის თბილისის მერობის კანდიდატად განიხილებოდა. უდუმაშვილის მერობის კანდიდატად განხილვის შესახებ ინფორმაცია დაადასტურეს პარტიაშიც.

ზაალ უდუმაშვილი წლებია რუსთავი 2-ის მთავრი საინფორმაციო გამშვების წამყვანია. ბოლო რამდენიმე წელი კი წამყვანობის პარალელურად გენერალური დირექტორის მოადგილეა.