On.ge-ს ხელთ არსებული ინფორმაციით, ტელეკომპანია რუსთავი 2-ის დირექტორმა, ნიკა გვარამიამ თანამდებობა დატოვა.

ამ წუთებში ყველა შესაძლო გზით ვცდილობთ ინფორმაციის გადამოწმებას.

ტელეკომპანიის ერთ-ერთმა მფლობელმა, გია ყარამანიშვილმა მას შემდეგ, რაც მოისმინა კითხვა გვარამიას გადაყენებაზე, უპასუხოდ გათიშა ტელეფონი. როგორც ჩვენთვისაა ცნობილი, სწორედ ყარამანიშვილთან საუბარი უძღოდა წინ გვარამიას ტელეარხიდან წასვლას.

რუსთავი 2-თან ამ წუთებში იმყოფება On.ge-ს ჟურნალისტი, რომლის თქმითაც, ტელევიზიაში ცოტა ხნის წინ მივიდნენ არხის ტელეწამყვანი გიორგი გაბუნია, საინფორმაციო სამსახურის ახალი უფროსი ნოდარ მელაძე და ასევე, კურიერის წამყვანი ზაალ უდუმაშვილი. რუსთავი 2-ში მივიდნენ კომპანიის იურისტებიც.

ახალი ინფორმაციის მიღებისთანავე სტატია განახლდება.