საგამოძიებო სამსახურის ახალი უფროსი ლევან გამყრელიძეა. იგი პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა დღეს ოფიციალურად წარადგინა.

მანამდე, ლევან გამყრელიძეს ფინანსთა სამინისტროს შემოსავლების სამსახურის აუდიტის დეპარტამენტის უფროსის მოადგილის პოსტი ეკავა.

ქუმსიშვილის თქმით, საგამოძიებო სამსახურის უფროსად შეარჩიეს ისეთი ხელმძღვანელი, რომელიც კარგად იცნობს საგადასახადო კანონმდებლობას, გადასახადის გადამხდელთა ფსიქოლოგიას და აქვს ფინანსური დანაშაულის გამოვლენისა და მის წინააღმდეგ ბრძოლის დიდი გამოცდილება.

საგამოძიებო სამსახურის უფროსმა გიორგი ბადაშვილმა თანამდებობა რამდენიმე დღის წინ დატოვა. ის გუშინ, 7 ივნისს მთავარი პროკურორის მოადგილედ დაინიშნა.