Marvel-ის სამყაროს ვარსკვლავი, ჯერემი რენერი, რომელიც უკვე ორჯერ იყო ოსკარზე ნომინირებული Hurt Locker-სა და The Town-ში შესრულებული მთავარი როლებისთვის, ცოტა ხნის წინ მძიმედ დაშავდა და საავადმყოფოში აღმოჩნდა. მსახიობი უამინდობის დროს თოვლის საწმენდი მანქანის ქვეშ მოყვა, რის შედეგადაც გულმკერდის ტრავმა და ორთოპედიული დაზიანებები მიიღო.

უბედური შემთხვევა ნევადის შტატში მოხდა, სადაც რენერს ტაჰოს ტბასთან ახლოს საკუთარი რანჩო აქვს. ახალ წელს მსახიობი ნევადას ეწვია, რომელსაც თავს ქარიშხალი დაატყდა და თოვლის გაწმენდის სამუშაოები გახდა საჭირო. შემთხვევის ადგილიდან საავადმყოფოში რენერი ვერტმფრენით გადაიყვანეს.

ფოტო: Instagram

ნევადას შტატის შერიფის განცხადებით, ჯერემი რენერმა შემთხვევის დღეს დისშვილის გადარჩენა სცადა, რადგან თოვლის საწმენდი მანქანა სწორედ მისი დისშვილისკენ დაცურდა და შეეძლო, მისი სიცოცხლისთვის შეექმნა საფრთხე. საუბედუროდ, რენერი, რომელიც ცდილობდა თოვლის საწმენდი მანქანა შეეჩერებინა, მის ქვეშ მოჰყვა და 30-ზე მეტი ძვალი დაიზიანა.

ჯერემი რენემის მდგომარეობა, რომელიც გმირი არა მხოლოდ გადასაღებ მოედანზე, არამედ რეალურ ცხოვრებაშიც აღმოჩნდა, ამჟამად მძიმე, თუმცა სტაბილურია.