ამის შესახებ აშშ-ს პრეზიდენტის მიმართვას საერთაშორისო მედია ავრცელებს.

რატომ არის მნიშვნელოვანი: უკრაინა უკვე დიდი ხანია ითხოვს თანამედროვე შეიარაღებას ოკუპანტებისთვის წინააღმდეგობის გასაწევად. მათ შორისაა, გერმანული წარმოების Leopard-2-ის ტანკები, რომელსაც გერმანია, საწყის ეტაპზე, თოთხმეტს გადასცემს.

  • GUARDIANS ცნობით, ბაიდენმა ტანკების გადაცემაზე მას შემდეგ ისაუბრა, რაც გერმანიამ Leopard-2-ის უკრაინისთვის მიწოდება დაადასტურა.

დეტალები: აშშ-ს პრეზიდენტის ადმინისტრაციაში განმარტავენ, რომ შეერთებული შტატები და ევროპა აგრძელებს ხელიხელჩაკიდებულ მუშაობას უკრაინის მხარდასაჭერად.

  • მედიის ცნობით, 11 თვის განმავლობაში, აშშ-დან დახმარების დიდი ნაწილი განხორციელდა ცალკეული პროგრამის მეშვეობით, რომელიც პენტაგონის მარაგებს იღებდა, რათა იარაღი უფრო სწრაფად მიეწოდებინა უკრაინაში.
  • მაგრამ ამ პროგრამის ფარგლებშიც კი, თვეები დასჭირდებოდა ტანკების უკრაინაში ჩასვლას და უკრაინული ძალების მომზადებას.