რეჟისორი აბდელატიფ კეშიში, რომელმაც 2013 წელს კანის კინოფესტივალზე ფილმისთვის Blue Is the Warmest Color ოქროს პალმის რტო მიიღო, ახალი ფილმის დასაფინანსებლად საკუთარ პრიზს ყიდის.

Mektoub is Mektoub ასე ჰქვია ახალ ფილმს, რომელსაც რეჟისორი საფრანგეთში გადაიღებს. ახალ, ორნაწილიან მხატვრულ ფილმში მთავარ როლებს ფრანგი მსახიობები ლუ ლუტიაუ, შაინ ბუმედიენე და ოფელია ბაუ შეასრულებენ.

ფილმის გადასაღებად რეჟისორმა ბანკიდან კრედიტი გამოიტანა, თუმცა მოგვიანებით ფინანსური კრიზისის გამო ეს დაფინანსება დაიბლოკა.

რეჟისორი ოქროს პალმის რტოს გარდა აპირებს გაყიდოს ძვირადღირებული ნახატი, რომელიც მას Blue Is the Warmest Color-ის გამოსვლის შემდეგ აჩუქეს.