ამის შესახებ განცხადება ნაციონალური მოძრაობის წევრმა, ირაკლი ნადირაძემ გააკეთა.

რატომ არის მნიშვნელოვანი: პარტიის წევრთა ნაწილი შიდა პარტიულ არჩევნებს ყველა დონეზე ითხოვს.

  • მათი თქმით, უნდა აირჩეს ახლიდან პოლიტიკური სამდივნო, პოლიტიკური საბჭო და უნდა ჩატარდეს თავმჯდომარის ახალი არჩევნები.
  • ნადირაძის განცხადებით, ენმ-ის თავმჯდომარეს უნდა ჰქონდეს ასობით ათასი მისი "გულმხურვალე, მებრძოლი, ერთგული და პატრიოტი ამომრჩევლების ლეგიტიმაცია, რათა ახალი ენერგიით, ახალი გეგმით, ახალი ბრძოლისუნარიანობით" იბრძოლონ ამ ქვეყნის თავისუფლებისთვის.

დეტალები: ირაკლი ნადირაძე ამბობს იმასაც, რომ მნიშვნელოვანია, პარტია ძლიერი, ორგანიზებული და ქმედითი იყოს.

  • აცხადებს, რომ ოლიგარქი ივანიშვილის დამარცხების მთავარი ინსტრუმენტი ძლიერი ნაციონალური მოძრაობაა, "რომელიც ყოველთვის ოპოზიციის ფლაგმანი იყო".
  • "რაც უფრო დროულად დავიწყებთ ყველა ერთად, კიდევ უფრო მეტი აქტიურობით ბრძოლას მიშას გასათავისუფლებლად, ოლიგარქის მოსაშორებლად არის უკეთესი ამ ქვეყნისთვის".

გარდა ამისა, ნადირაძემ განცხადება ნაციონალური მოძრაობის რეგიონულ ლიდერებთან ერთად გააკეთა.

  • მისი თქმით, იცის მისი ასობით კოლეგის აზრი ამ საკითხთან მიმართებით და ახლა საჭიროა, რომ ამ ადამიანებმა საკუთარი აზრი ღიად დააფიქსირონ.

პასუხად, ენმ-ის წევრმა აკა მინაშვილმა თქვა, რომ ამ პერიოდში ამ დროს, ასე მოულოდნელად ბრიფინგის ჩატარება ცოტა უცნაურია და დასანანია.

  • მინაშვილი აცხადებს, რომ პარტიის შიგნით მთავარი ვინც შიდაპარტიულ არჩევნებზე საუბრობდა ნიკა მელია იყო.
  • აცხადებს, რომ არჩევნები იგეგმებოდა მას შემდეგ, რაც ყოფილი პრეზიდენტის, მიხეილ სააკაშვილის საკითხი გადაწყდებოდა.