საქართველოს პარლამენტის თავმჯდომარე ირაკლი კობახიძემ დღეს გამართულ ბრიფინგზე განაცხადა, რომ, კოსნტიტუციაში იქნება ჩანაწერი, რომლის მიხედვითაც საქართველოს ტერიტორიაზე არსბეული მიწის უცხოელებზე გასხვისება შეიზღუდება:

"მკაფიო და მკაცრი კონსტიტუციური ჩანაწერით ქართული მიწა დარჩება მხოლოდ საქართველოს სახელმწიფოს, საქართველოს მოქალაქეებისა და მათი გაერთიანებების საკუთრებაში".

კობახიძის თქმით, ამით ისინი ქვეყნისა და მოქალაქეების სტრატეგიულ ინტერესებს დაიცავენ და გადაწყვეტილების მირებამდე, კონსულტაციებში ჩართული იყვნენ პრემიერმინისტრი, სამთავრობო გუნდი და საპარლამენტო უმრავლესობა.

პარლამენტის თავჯდომარე აცხადებს, რომ გადაწყვეტილება ერთსულოვანი იყო.

კობახიძემ აღნიშნა, რომ დღეს, ადამიანის უფლებათა დაცვის და სამოქალაქო ინტეგრაციის კომიტეტის სხდომაზე, კონსტიტუციური კანონის პროექტის შესაბამის თავს განიხილავენ, რომლის ერთ-ერთი ყველაზე აქტუალური საკითხი სწორედ მიწაზე საკუთრების უფლების კონსტიტუციური მოწესრიგებაა.