გამოძიების ფედერალური ბიუროს ახალი დირექტორი ყოფილი ფედერალური პროკურორი ქრისტოფერ ვრეი გახდება - ამის შესახებ პრეზიდენტმა დონალდ ტრამპმა ტვიტერზე გუშინ დაწერა.

ვრეი 2003-2005 წლებში ჯორჯ ბუში უმცროსის პრეზიდენტობისას იუსტიციის დეპარტამენტის კრიმინალურ განყოფილებას ხელმძღვანელობდა. ახლა კი კერძო საადვოკატო ფირმის - „კინგი და სპალდინგის“ - პარტნიორია და დაცვის ადვოკატია კრიმინალურ (სისხლის სამართლის) საქმეებში.

მნიშვნელოვანია, რომ ის ცოტა ხნის წინ პრეზიდენის ახლო მოკავშირის, ნიუ-ჯერსის გუბერნატორის, ქრის ქრისტის ადვოკატადაც მსახურობდა.