ინფორმაციას სპეციალური საგამოძიებო სამსახური ავრცელებს.

რატომ არის მნიშვნელოვანი: უწყების განცხადებით, დაკავებული მასთან თანაცხოვრებაში მყოფ ქალს 2021 წლის დეკემბრიდან 2022 წლის მარტამდე, თბილისში, საკუთარ საცხოვრებელ სახლში ინტიმური შინაარსის ფოტოებს ფარულად უღებდა.

  • მას შემდეგ, რაც წყვილი ერთმანეთს დაშორდა, განაწყენებული ბრალდებული შანტაჟისა და შურისძიების მიზნით სოციალურ ქსელში სხვა მომხმარებლის სახელით დარეგისტრირდა, სადაც ქალის ინტიმური შინაარსის ფოტოები განათავსა და დაზარალებულის ნაცნობების მეგობრებში დამატებით ისინი ხელმისაწვდომი გახადა.

დეტალები: დაკავებულს ბრალდება 157-ე პრიმა მუხლის პირველი და მეორე ნაწილებით წარედგინა.

  • ჩადენილი დანაშაული სასჯელის სახედ და ზომად 6-დან 9 წლამდე თავისუფლების აღკვეთას ითვალისწინებს.