ინფორმაციას უკრაინის კულტურის მინისტრი, ალექსანდრ ტკაჩენკო ავრცელებს.

რატომ არის მნიშვნელოვანი: უკრაინაში რუსეთთან დაკავშირებული რელიგიური ორგანიზაციების საქმიანობა იკრძალება.

  • რუსეთის სპეცსამსახურებისთვის მუშაობის ბრალდებით ქვეყანაში არაერთი სასულიერო პირია დაკავებული.
  • ნოემბერში უკრაინის უსაფრთხოების სამსახურმა და პოლიციამ არაერთ მონასტერში, მათ შორის, კიევ-პეჩორის ლავრაში ჩხრეკა ჩაატარა.
  • პრეზიდენტ ზელენსკის განცხადებით, არასდროს არავის მისცემენ უფლებას, ააშენონ რუსული იმპერია უკრაინულ სულში.

დეტალები: კიევ-პეჩორის ლავრის ღვთისმშობლის მიძინების ტაძრისა და სატრაპეზო ეკლესიის უკრაინის სახელმწიფოს კუთვნილებაში გადაცემაზე კომისიამ მუშაობა ახლახან დაასრულა.

  • ტკაჩენკოს განცხადებით, რელიგიური შენობების დაბრუნების შესახებ შესაბამისი აქტი უკვე გაფორმდა.
  • "უკრაინული სალოცავი უნდა ემსახურებოდეს მთელს უკრაინელ ხალხს და ჩვენ ამ პრინციპს მომავალშიც დავიცავთ", — წერს მინისტრი.