შესაბამისი განცხადება რუსეთის მართლმადიდებელი ეკლესიის ოფიციალურ გვერდზე დღეს გამოქვეყნდა.

რატომ არის მნიშვნელოვანი: პატრიარქი კირილი პუტინთან დაახლოებული პირი და მისი პოლიტიკის გამტარებელია. ის უკრაინაზე თავდასხმასაც ამართლებს.

  • 12 დეკემბერს უკრაინის პრეზიდენტმა რუსეთს მოუწოდა, შობის დღეს უკრაინის ტერიტორიიდან ჯარების გაყვანა დაიწყოს და ამით აგრესიაზე უარის თქმის უნარი აჩვენოს.
  • მალევე ზელენსკის პუტინის პრესმდივანმა, დიმიტრი პესკოვმა უპასუხა და თქვა, რომ ამაზე საუბარი გამორიცხულია.

დეტალები: პატრიარქი კირილი კრემლის პროპაგანდას განაგრძობს და უკრაინის წინააღმდეგ რუსეთის ომს "საშინაო კონფლიქტს" უწოდებს.

  • "მივმართავ საშინაო კონფლიქტში ჩართულ ყველა მხარეს ცეცხლის შეწყვეტისა და საშობაო ზავის დამყარების მოწოდებით, 6 იანვრის 12:00 საათიდან 7 იანვრის 24:00 საათამდე, რათა მართლმადიდებელმა ადამიანებმა შეძლონ, დაესწრონ ღვთისმსახურებას", — ნათქვამია განცხადებაში.