კირილი დაბადების დღეს ულოცავს "მის უწმინდესობასა და უნეტარესობას, უწმინდესსა და უნეტარეს ილია II-ს, სრულიად საქართველოს კათოლიკოს პატრიარქს".

რატომ არის მნიშვნელოვანი: რუსეთის პატრიარქს ამჯერადაც "გამორჩა" ბიჭვინთისა და ცხუმ-აფხაზეთის მიტროპოლიტის ტიტულის ხსენება პატრიარქის ოფიციალური რეგალიით მოხსენიებისას.

  • ილია II-ს სრული ტიტულია: უწმინდესი და უნეტარესი ილია II, საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთის.

დეტალები: "თქვენი უწმინდესობისა და უნეტარესობის ცხოვრების გზა განუყრელადაა კავშირში ქრისტესთან, რომელიც ყრმობიდან გიყვართ. ეკლესიის დევნის დაუნდობელ დროს თქვენ აირჩიეთ ღვთის მსახურების ეკლიანი გზა", — ნათქვამია მილოცვაში.

  • "მრავალი წლის განმავლობაში ბრძნულად განაგებდით თქვენთვის მინდობილ ხვედრს, სამწყსოს ევლინებოდით ხატად ღირსეული პირველი იერარქისა, რომელსაც მოეთხოვება იყოს უბიწო, როგორც მნე ღვთისა, სიკეთის მოყვარე, სამართლიანი და ღვთისმოსავი", — წერს რუსეთის პატრიარქი ილია II-ს.