მილოცვა ბელარუსის პრეზიდენტის ოფიციალურ ვებ-გვერდზე გამოქვეყნდა.

რატომ არის მნიშვნელოვანი: ილია II-ს 90 წელი შეუსრულდა.

  • საქართველოს კათოლიკოს-პატრიარქს იუბილეს საჯარო თანამდებობის პირებიც ულოცავენ.

დეტალები: "მრავალი წლის განმავლობაში დაუღალავად ემსახურებით უძველესი და ბრძნული ქრისტიანული იდეების განმტკიცებას, თქვენს სახელს უკავშირდება საქართველოში მართლმადიდებლობის ფართომასშტაბიანი აღორძინება და შენარჩუნება", — ნათქვამია ლუკაშენკოს მილოცვაში.

  • ბელარუსის ლიდერის შეფასებით, დღესდღეობით ქრისტეს მცნებებზე დაფუძნებულ ღირებულებებს "დამახინჯება ემუქრება".
  • "თქვენ ამაყად ატარებთ ღვთის ჭეშმარიტ სიტყვას მრევლის გულში, რომელთაგან ათიათასობით თქვენი ნათლულია. პირადი მაგალითით შთააგონებთ ყველა მორწმუნეს თუ ურწმუნოს მოყვასის მიმართ მოწყალების გამოჩენას, კეთილი საქმეების კეთებას და მოყვასის სიყვარულს", — წერს ლუკაშენკო მილოცვაში.