შემთხვევა 2 იანვარს გზაში მოხდა, როდესაც მშობლებს ახალგორიდან სამკურნალოდ სასწრაფოს მანქანით გადმოჰყავდათ.

დეტალები: როგორც გარდაცვლილი ბავშვის ახლობელმა, ელიზა კუდუხოვამ მედიასთან თქვა, მას გრიპი შეხვდა და მაღალი სიცხეები ჰქონდა.

  • "კრუნჩხვაში ჩავარდა და გზაში გარდაიცვალა. სასწრაფოთი გადმოიყვანეს ახალგორიდან", — თქვა მან.
  • ახალგორის საავადმყოფოს მთავარი ექინი კი ფორმულასთან ამბობს, რომ

    ბავშვი ბინაზე გადიოდა მკურნალობას — "კლინიკაში არ მოთავსებულა ბავშვი. ბინაზე გადიოდა მკურნალობას. ამის შედეგად დამძიმდა და გადმოყვანას საჭიროებდა"

ცნობილია, რომ ექსპერტიზის ჩატარების შემდეგ ბავშვი ახალგორში გადაასვენეს.

  • შინაგან საქმეთა სამინისტროში On.ge-ს უთხრეს, რომ გამოძიება სისხლის სამართლის კოდექსის 116-ე მუხლით დაიწყო, რაც ითვალისწინებს სიცოცხლის მოსპობას გაუფრთხილებლობით.

გარდა ამისა, ბავშვის გარდაცვალების შემდეგ ახალგორის კლინიკაში მივიდა ოკუპირებული ცხინვალის რეგიონის დე ფაქტო პრეზიდენტი ალან გაგლოევი, დე ფაქტო ჯანდაცვის მინისტრთან ერთად.