ეს განცხადება გერმანიის კანცლერმა საახალწლო ეთერში გააკეთა.

რატომ არის მნიშვნელოვანი: გერმანია აშშ-ის შემდეგ უკრაინის მეორე დონორია და ქვეყანას მილიარდობით ევროს სამხედრო, ჰუმანიტარულ და ფინანსურ დახმარებას უწევს.

  • შოლცის შეფასებით, დღეს, უკრაინაში რუსეთის შეჭრის ფონზე, ევროკავშირი და ნატო უფრო ერთიანები არიან, ვიდრე ოდესმე.

დეტალები: ოლაფ შოლცმა განაცხადა, რომ რუსეთის ომი უკრაინასთან არის მკაცრი გამოცდა გერმანიისთვის.

  • შოლცმა აღნიშნა, რომ 2022 წელი იყო რთული წელი, მაგრამ დასძინა, რომ გერმანია ძლიერი ქვეყანაა.
  • შოლცის თქმით, 2022 წლის ისტორია არ არის მხოლოდ ომის, ტანჯვისა და წუხილის ისტორია.
  • "უკრაინელები იცავენ თავიანთ სამშობლოს, ნაწილობრივ ჩვენი დახმარების წყალობით და ჩვენ გავაგრძელებთ უკრაინის მხარდაჭერას", — განაცხადა კანცლერმა.