HBO-ს სამეფო კარის თამაშების მეშვიდე სეზონის გადაღება და შესაბამისად, ეთერში გასვლა დაგვიანდა და ახალ სეზონს მაყურებელი პირველ სერიას 16 ივლისს იხილავს.

მაგრამ ეს დაგვიანება არაფერი იმასთან შედარებით, რაც, შესაძლოა, წინ გველოდეს.

EW-სთან ინტერვიუში, HBO-ს პროგრამების პრეზიდენტმა ქეისი ბლოისმა განაცხადა, რომ სერიალის შემქმნელებს ბოლო სეზონის გადასაღებად შეიძლება ბევრად მეტი დრო დასჭირდეთ და არის შანსი, რომ მერვე ნაწილს მაყურებელი 2019 წლამდე ვერ იხილავს.

"სცენარი უნდა დაიწეროს, შემდეგ უნდა განსაზღვრონ გადაღებების ადგილები, დრო, ხარჯები და ამას ძალიან დიდი დრო დასჭირდება", აცხადებს ბლოისი.

ხოლო თუ იმის იმედი გქონდათ, რომ სპინ-ოფებს მაინც იხილავდით, იმედი ამ შემთხვევაშიც უნდა გაგიცრუოთ. ბლოისის თქმით, ოთხი სხვადასხვა სპინ-ოფის გადაღების შესახებ ინფორმაცია ნონსენსია და თუ ასეთი პროექტი საერთოდ იარსებებს, მხოლოდ ერთი იქნება და ისიც კაცმა არ იცის როდის, რადგან ამ თემას, ჯერ-ჯერობით, ყურადღება საერთოდ არ ექცევა.