წერილი უფლებადამცველმა, მარკ ფეიგინმა Twitter-ზე გამოაქვეყნა და დაწერა, რომ თუ არაფერი გაკეთდა, მიხეილ სააკაშვილი მოკვდება.

რატომ არის მნიშვნელოვანი: სააკაშვილის ოჯახის წევრები, ექიმები და ადვოკატები ექსპრეზიდენტის ჯანმრთელობის მდგომარეობის მკვეთრ გაუარესებაზე საუბრობენ და საზღვარგარეთ მის სამკურნალოდ გადაყვანას ითხოვენ.

  • ყოფილი პრეზიდენტის ჯანმრთელობის მდგომარეობაზე ცენტრ ემპათიის დასკვნაში ნათქვამია, რომ "მოსალოდნელია კომა და სიკვდილი".
  • სწორედ ჯანმრთელობის გაუარესების გამო სააკაშვილის სასამართლო პროცესი რამდენჯერმე გადაიდო.
  • 14 დეკემბერს პენიტენციურმა სამსახურმა ყოფილი პრეზიდენტი საკუთარ სასამართლო პროცესზე დისტანციურად არ ჩართო და მიზეზად "შესაბამისი ტექნიკური მოწყობილობების" არარსებობა დაასახელა.
  • სამაგიეროდ, იმავე დღეს უწყებამ გაასაჯაროვა დამონტაჟებული, უხმოდ და უკონტექსტოდ შეკრული კადრები, რომლებიც კლინიკა ვივამედში, მიხეილ სააკაშვილის პალატაშია გადაღებული.
  • პოსტის აღწერაში პენიტენციურმა დაწერა, რომ "ვიდეომასალაში ნათლად ჩანს მიხეილ სააკაშვილის სიმულაციური ქმედებები, რომლის მიზანია მართლმსაჯულების განხორციელებისთვის ხელის შეშლა".

დეტალები: სააკაშვილის თქმით, რუსეთი პრეზიდენტმა ციხეში მისი მოწამვლისა და მოკვლის ბრძანება გასცა.

  • "ამერიკელმა ტოქსიკოლოგებმა ზუსტად დაადგინეს, რომ მე ციხეში მომწამლეს და ამან გამოიწვია ჩემი ყველა სიმპტომი. ვცდილობ, გავუძლო. წარმატებები თქვენს კეთილშობილურ საქმეში", — ნათქვამია წერილში.