შეიძლება ნეტფლიქსის ახალი და უკვე ძალიან პოპულარული სერიალი, Wednesday, ჯერ არ გინახავთ, თუმცა, სადმე მაინც გადააწყდებოდით მის ერთ-ერთ სცენას, სადაც მთავარი გმირი ცეკვავს. ამ ცეკვამ, თამამად შეიძლება ითქვას, ინტერნეტი მოიცვა — მხოლოდ იუთუბზე მის ვიდეოს ამ დროისთვის 23 მილიონზე მეტი ნახვა აქვს.

როგორც აღმოჩნდა, ეს ცნობილი ცეკვა ახალგაზრდა მსახიობმა, ჯენა ორტეგამ, დადგა, რომელიც სერიალში უენსდეი ადამსს განასახიერებს. ორტეგა ჰყვება, რომ ქორეოგრაფთან მუშაობაზე უარი განაცხადა და სცენისთვის ცეკვა თავადვე შექმნა სულ რაღაც ორ დღეში.

"რეჟისორი ტიმ ბარტონი გადაღებამდე ორიოდე დღით ადრე მოვიდა და მითხრა, ვიცი, რომ გინდა, ცეკვა თავად დადგა. ამაზე მუშაობდი და შეძლებ კიდეც, არც კი ვღელავ, გენდობიო", — იხსენებს მსახიობი.

"მე მოცეკვავე არ ვარ და ამ სფეროში არანაირი გამოცდილება არ მაქვს. ორი დღე საერთოდ არ მიძინია. სიუზი სიუს, The Banshees-ის და Beau Travail-ში დენი ლავანის ვიდეოებს ვუყურებდი. 80-იანების კლუბში გოთი მოზარდების ცეკვის ვიდეოც კი ვიპოვე. ლენე ლოვიჩი და ნინა ჰაგენიც. მერე კი, გადაღების დღეს, ვთქვი, ვნახოთ, რა გამოვა-მეთქი".

შედეგი კი ნამდვილად შთამბეჭდავი გამოვიდა. თანაც იმდენად, რომ სცენის ეპიზოდის გამოსვლისთანავე ცეკვა ტიკტოკზე აიტაცეს — მათ შორის, ისეთმა ცნობილმა სახეებმა, როგორიც ლედი გაგაა. სხვათა შორის, ჯენას თქმით, ნეტფლიქსში ცეკვის ტიკტოკზე გავირუსების ამბავი იწინასწარმეტყველეს კიდეც.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…