რატი ბრეგაძე

13 Dec. 2022, 22:40

გარკვეულ სიმულაციებთან ნამდვილად გვაქვს საქმე. ეს თამამად უნდა ვთქვათ. მე, ამ შემთხვევაში, არ ვსაუბრობ ჯანმრთელობის მდგომარეობაზე, თუმცა გარკვეული სიმულაციები, რა თქმა უნდა, არის. ამის შესაბამისი მტკიცებულებებიც არის. ჩვენ აქამდე შეგნებულად ვიკავებდით თავს მსგავსი საუბრისგან, ყოველთვის მოვუწოდებდით მას, რომ დამორჩილებოდა ექიმების თხოვნას, ჩაეტარებინა სრულფასოვანი მკურნალობა, ხელი შეეწყო, როგორც მას, ასევე მის გარემოცვასაც მკურნალი ექიმებისთვის, მაგრამ, სამწუხაროდ, თამამად უნდა ითქვას, რომ სრულფასოვან მკურნალობასთან, ჩვენ ვერ ვხედავთ სრულფასოვან მკურნალობას და გარკვეულ სიმულაციებს აქვს ადგილი.

როდესაც ჩვენ ვსაუბრობთ, როდესაც ვამბობთ რაიმეს და კონკრეტულად მეც ვთქვი ახლა, რომ გარკვეულ სიმულაციები შეგვიძლია ვიხილოთ, რა თქმა უნდა, ამას აქვს თავის დამადასტურებელი მასალა. ასეთი არის მათ შორის, ვიდეომასალა, შემიძლია ეს დაგიდასტუროთ. ასევე ეს ვიდეომასალა ნათლად აჩვენებს, გვაქვს გარკვეული მტკიცებულებები იმის შესახებ, რომ ეს ადამიანი, იყო შემთხვევები, როდესაც ხელს უშლიდა ექიმების საქმიანობას და ასევე, კონკრეტულად, ხელს უშლიდა სასამართლო საქმიანობას. შესაბამისად ჩვენ ძალიან ვერიდებით ამ ყველაფერზე საუბარს, მაგრამ თუ კი იმ მაღალი ინტერესიდან გამომდინარე, რასაც ჰქვია ქართველი ხალხის უსაფრთხოება, სახელმწიფოს უსაფრთხოება და ასევე, საქართველოს საერთაშორისო იმიჯი და იმის დადასტურება, რომ სახელმწიფოში არავის აწამებენ და საქართველოსგან არ უნდა შეიქმნას მტრის ხატი, ჩვენ იძულებულები გავხდებით, თუ არ შეწყდება ეს სიმულაციური ქმედებები, რომელიც მიზნად ისახავს სასამართლოზე ზეწოლას, პირდაპირ ვიტყვი, იმისთვის, რომ მოპოვებული იყოს თავისუფლება სამართლებრივი გზების გარეშე და განხორციელდეს კონსტიტუციით აკრძალული ქმედება, ამ მიზნით ჩვენ იძულებულები გავხდებით, სწორედ ამ ლეგიტიმური მიზნიდან გამომდინარე, რომ გავასაჯაროოთ გარკვეული კადრები, იმ შემთხვევაში, ხაზგასმით ვამბობ, თუ არ შეწყდება ეს სიმულაციური მოქმედებები, რომელიც შემდგომში საზოგადოებას ნათლად დაანახებს, იმ ყველაფერს, რაზეც ჩვენ ახლა ვსაუბრობთ.

ოპონენტი ყველა შესაძლო ბინძურ ხერხს მიმართავს იმისთვის, რომ სასამართლოს შეეშალოს ხელი და საზოგადოებაში ჩამოყალიბდეს არასწორი წარმოდგენები. ანუ მოხდეს არასწორი საზოგადოებრივი აზრის ფორმირება და ამის ნათელი დასტური არის ის, როდესაც ისინი საუბრობენ დასკვნის კონფიდენციალურობაზე ერთი ხელით, მეორე ხელით აქვეყნებენ ისეთ ფოტოებს და საუბრის ჩანაწერებს, რომელიც ცალმხრივად ხელს უწყობს არასწორი საზოგადოებრივი აზრის ჩამოყალიბებას და ბუნებრივია, ამ ყველაფერს ჩვენ შევეწინააღმდეგებით.

იუსტიციის მინისტრმა რატი ბრეგვაძემ მიხეილ სააკაშვილის ჯანმრთელობის მდგომარეობაზე ისაუბრა და თქვა, რომ არსებობს "გარკვეული სახის კადრები", რომელიც გასაჯაროვდება თუ ექსპრეზიდენტი "სიმულაციას" არ შეწყვეტს.


კომენტარები

კვირის ტოპ-5

  1. ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
  2. "ჩემს სახეზე ეს კვალი გაქრება, მაგრამ შენი სახიდან რუსეთის მონის კვალი ვერ ჩამოირეცხება" — სტუდენტის მიმართვა პრემიერ-მინისტრს
  3. რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
  4. ალეკო ელისაშვილმა მამუკა მდინარაძეს ხელი დაარტყა
  5. სტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს

გირჩევთ

ახლა კითხულობენ

გადახედვა

სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა

ცოტა ხნის წინ ინტერნეტის ჩინელი მომხმარებლების ყურადღება მთავრობის მიერ ქალაქ ნანკინის ახალი მატარებლის სადგურის…