ბრეგაძე სააკაშვილის კადრების გასაჯაროებაზე: ყოველთვის ჩვენი პასუხი იქნება ადეკვატური

14 Dec. 2022, 22:37

ეს ჩვენ გავასაჯაროვეთ იმ ლეგიტიმური მიზნიდან გამომდინარე, რასაც ჰქვია იმ ყველაფრის აღკვეთა, როდესაც რადიკალური ოპოზიცია ცდილობს, რომ სახელმწიფო წარმოადგინოს, როგორც მწამებელი, ამით დააზიანოს მისი იმიჯი როგორც ქვეყნის გარეთ, ასევე ქვეყნის შიგნით. მოგეხსენებათ, ჩვენ რა პერიოდშიც ვიმყოფებით ახლა, მიმდინარეობს ევროინტეგრაცია და სახელმწიფო აკეთებს ყველაფერს 12 პუნქტის შესასრულებლად და მათ შორის, კიდევ უფრო მეტს.

თუმცა, ეს ხალხი სახელმწიფოს ინტერესების საწინააღმდეგოდ და კონკრეტულად, მსჯავრდებული სააკაშვილის გამოყენებით ცდილობს, რომ აჩვენოს საზოგადოებას და მათ შორის, საერთაშორისო საზოგადოებას, გარკვეული ყალბი სიუჟეტების შექმნითა და არასწორი სიუჟეტების წარმოდგენით, რომ, თითქოსდა, სახელმწიფო არის ადამიანების უფლებების დამრღვევი, ნურას უკაცრავად, ამის უფლებას ვერავის მივცემთ და ყოველთვის ჩვენი პასუხი იქნება ადეკვატური.

აქვე იმასაც გეტყვით, რომ ჩვენ გარკვეული მორალური მოსაზრებებიდან გამომდინარე, არ გავასაჯაროვეთ ძალიან ბევრი სხვა კადრი, რომელშიც, შეიძლება, ანალოგიური ეპიზოდები იყოს წარმოდგენილი და ჩვენ ეს გარკვეული მორალური მოსაზრებების გამო არ გავასაჯაროვეთ და მაქსიმალურად თავშეკავებით ვიმოქმედეთ იმისთვის, რომ საზოგადოებას ჰქონდეს სრულყოფილი და ობიექტური ინფორმაცია.

ბოლო ამბები:

რატი ბრეგაძე ბრეგაძე სააკაშვილის კადრების გასაჯაროებაზე: ყოველთვის ჩვენი პასუხი იქნება ადეკვატური

კომენტარები

კვირის ტოპ-5

გირჩევთ

ახლა კითხულობენ

ისრაელში შექმნილ 60$-იან სისხლის ანალიზს ფილტვის კიბოს 93%-იანი სიზუსტით გამოვლენა შეუძლია