"რაც თქვენი საქმე არ არის, მოდით ნუ ჩაერევით, თორემ იცით, სინამდვილეში რა ხდება. ეკლესიას მაინც ვერავინ დაამარცხებს, რაც არ უნდა ტელევიზიებით გამოვიდეთ," - ამ განცხადებით ეპისკოპოსმა იაკობმა მედიას და ჟურნალისტებს მიმართა. ინფორმაციას IPN ავრცელებს.

"ძალიან ნიჭიერები ხართ ყველანი, ვინც ხართ, ნიჭიერად გვიტევთ ხოლმე ეკლესიას. რაც თქვენი საქმე არ არის, მოდით ნუ ჩაერევით, თორემ იცით, სინამდვილეში რა ხდება. ეკლესიას მაინც ვერავინ დაამარცხებს, რაც არ უნდა ტელევიზიებით გამოვიდეთ. ჩვენს შიდა საქმეებს შიგნით გადავწყვეტთ, ჭორიკნები არ ვართ, გარეთ გამოვიდეთ და რაღაცები ვილაპარაკოთ. ნუ ჩაერევით იმიტომ, რომ თქვენც კარგად იცით სინამდვილეში რა ხდება, ისევე, როგორც ჩვენ. ღმერთმა დაგლოცოთ და ძალიან გამიხარდება ასეთი პროფესიონალები, როგორიც ხართ, თუ საუკეთესო ტელევიზიებსაც შექმნით. ყველა არხს გიყურებთ, ჩვენები ხართ, ქართველები ხართ და ის განწყობა არ მაქვს, რომელიმე იმისია, რომელიმე იმის. ყველა საქართველოს შვილები ვართ."