კომპანიის კაპიტალიზაციაზე გაყიდვებთან, წმინდა მოგების ოდენობასთან და აქტივების მოცულობასთან ერთად, რეპუტაციაც მნიშვნელოვან გავლენას ახდენს. ბრენდის ღირებულება ზოგ შემთხვევაში უფრო მეტია, ვიდრე იმავე კომპანიის ყველა ქარხანა ერთად.

ბრენდის ღირებულების ზრდასთან ერთად, იზრდება კომპანიის მიერ გამოშვებული აქციის ფასიც. მაგალითად, 2021 წელს TESLA-ს ბრენდის ღირებულება 184%-ით გაიზარდა, იმავე წელს $235-დან $356-მდე გაიზარდა TESLA-ს 1 აქციის ღირებულებაც.

ბრენდი გაყიდვების რაოდენობასა და პროდუქციის ფასზე პირდაპირ მოქმედებს. ერთი და იგივე მახასიათებლის ორი პროდუქციიდან თითქმის ყოველთვის ცნობადი უფრო ძვირია.

მთლიანი საბაზრო ღირებულების მსგავსად, პირველ ადგილზე ამ შემთხვევაშიც Apple-ია. visualcapitalist.com-ის ინფორმაციით, აიფონებისა და მაკბუქების მწარმოებლის ბრენდის ღირებულება $355 მილიარდს შეადგენს. მსოფლიო მასშტაბით Apple-ს ყველა ოფისის, ყველა ქარხნის, წარმოებისთვის საჭირო აღჭურვილობის, ავტომობილის და მთლიანად უძრავ-მოძრავი ქონების ჯამური ღირებულება $352 მილიარდია.

მეორე ადგილს $350 მილიარდით Amazon იკავებს. მისი მთლიანი კაპიტალიზაცია 2022 წლის დეკემბრის მდგომარეობით $950 მილიარდს შეადგენს, გამოდის, რომ ბრენდის ღირებულება სრული ღირებულების 36%-ზე მეტია.

სამეულს $263 მილიარდით Google ასრულებს. Amazon-ის მსგავსად, ამ შემთხვევაშიც ბრენდის ღირებულება აქტივების მოცულობას ჩამორჩება, თუმცა მთლიან კაპიტალიზაციაში მაინც დიდი წილი უკავია.

$184 მილიარდით მეოთხე ადგილას Microsoft-ია, 112 მილიარდით მეხუთეზე კი საცალო ვაჭრობის გიგანტი — Walmart.

პირველი 5 კომპანიიდან ხუთივე ამერიკულია და მათი ჯამური ღირებულება $1,264 ტრილიონს შეადგენს. შემდეგი ხუთის — $424 მილიარდს.

ათეულში ასევე შედის: Samsung, Facebook, ICBC (ჩინური ბანკი), Huawei და Verizon (ამერიკული მობილური ოპერატორი).

თუ სფეროების მიხედვით დავითვლით, მაშინ ყველაზე მაღალფასიანი ტექნოლოგიები იქნება. ტექნოლოგიური კომპანიების ბრენდების ჯამური ღირებულება $2 ტრილიონს შეადგენს, ტელეკომუნიკაციების $1 ტრილიონით მეორე ადგილზეა, მესამე ადგილს საცალო ვაჭრობის კომპანიები იკავებენ, რასაც საბანკო სფერო, ენერგეტიკა და საავტომობილო ინდუსტრია მოსდევს.

visualcapitalist.com-ის მიხედვით, მეასე ადგილას მყოფი კანადური ბანკის RBC-ს ბრენდის ღირებულებაც კი $19 მილიარდს შეადგენს, რაც დაახლოებით საქართველოს ეკონომიკის ტოლია.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.