არასამთავრობო ორგანიზაციები ექსპრეზიდენტის ჯანმრთელობის მდგომარეობასთან დაკავშირებით საერთო მიმართვას ავრცელებენ.

რატომ არის მნიშვნელოვანი: NGO-ები მიუთითებენ, რომ ბოლო დღეებში გავრცელებული ცნობების თანახმად, სააკაშვილის სამედიცინო მდგომარეობა კიდევ უფრო დამძიმებულია და მყისიერ რეაგირებას საჭიროებს.

  • ნათქვამია, რომ ამას ადასტურებენ ვიზიტორებიც და საკითხს ხაზს უსვამენ, როგორც საერთაშორისო ორგანიზაციები, ასევე საქართველოს პრეზიდენტიც.
  • ამბობენ, რომ ზურაბიშვილის განცხადებას ხელისუფლების მხრიდან პოლიტიკური პასუხები მოჰყვა, რაც ადამიანის უფლებების დაცვის კუთხის სახელმწიფოს ნაკისრ ვალდებულებებს ეწინააღმდეგება.

დეტალები: ორგანიზაციები ხელისუფლებასა და გადაწყვეტილების მიმღებ პირებს მოუწოდებენ, სააკაშვილის მკურნალობის, მათ შორის, საზღვარგარეთ გადაყვანის საჭიროების საკითხზე მსჯელობისას, ექსპერტთა დასკვნებითა და რეკომენდაციებით იხელმძღვანელონ.

  • "და არა პოლიტიკური კონიუნქტურის გათვალისწინებით, რათა სრულად გამოირიცხოს ჯანმრთელობის შემდგომი დამძიმებისა და სიცოცხლის ხელყოფის რისკები", — ამბობენ ისინი.

ხელს აწერს ფონდი ღია საზოგადოება საქართველო, საქართველოს დემოკრატიული ინიციატივა, სოციალური სამართლიანობის ცენტრი, საია.

  • ხელმომწერთა სრული სია შეგიძლიათ იხილოთ აქ.