ამის შესახებ კონფერენციის თავმჯდომარემ, კრისტოფ ჰოისგენმა ტვიტერზე დაწერა.

რატომ არის მნიშვნელოვანი: მიუნხენის უსაფრთხოების კონფერენცია (MSC) მომდევნო წლის 17-19 თებერვალს გაიმართება;

  • მისი ერთ-ერთი მთავარი თემა უკრაინის წინააღმდეგ რუსეთის სრულმასშტაბიანი აგრესიის დაწყებიდან ერთი წლის შემდეგ სიტუაციის ანალიზი იქნება.
  • კონფერენციაზე, ჰოისგენის თავმჯდომარეობით, არაერთი მაღალი რანგის საერთაშორისო ლიდერი და ექსპერტი, მათ შორის, სახელმწიფოებისა და მთავრობის მეთაურები, მინისტრები და საერთაშორისო ორგანიზაციების წარმომადგენლები შეიკრიბება.

დეტალები: ჰოისგენის განცხადებით, რუსეთს პროპაგანდისთვის პლატფორმას არ მისცემენ.

  • "რუსი ოფიციალური პირები არ არიან მოწვეულნი MSC2023-ზე. ჩვენ გვინდა რუსეთის მომავალი განვიხილოთ რუს ოპოზიციის ლიდერებთან და გადასახლებულებთან ერთად. მათი ხმა უნდა მოისმინონ და გაძლიერდეს", — წერს კონფერენციის თავმჯდომარე.