პრეზიდენტ ვიქტორ ორბანის განცხადებით, უნგრეთი მხარს არ დაუჭერს ევროკავშირის გეგმას, რომელიც მომავალ წელს უკრაინისთვის საბიუჯეტო დახმარებას ითვალისწინებს.

რატომ არის მნიშვნელოვანი: უნგრეთის უარი გამოიწვევს დახმარების გეგმის ჩაშლას, რადგან ევროკავშირის ბიუჯეტის წესების ცვლილებები წევრი ქვეყნების ერთსულოვან თანხმობას მოითხოვს.

  • გეგმა მომავალ წელს უკრაინისთვის 18 მილიარდ ევროს გამოყოფას ითვალისწინებს.
  • თანხა განსაზღვრულია უკრაინაში ენერგეტიკისა და ჯანდაცვის ობიექტების გამართვის, ხელფასებისა და საპენსიო სქემების დაფინანსებისთვის.
  • მოახლოებული ზამთრისა და ენერგო კრიზისის პირობებში, უკრაინისთვის ფინანსური დამხარება კრიტიკულად მნიშვნელოვანია.

დეტალები: ბუდაპეშტში გამართულ კონფერენციაზე გამოსვლისას ორბანმა თქვა, რომ უნგრეთი გმობს რუსეთის აგრესიას და მხარს უჭერს უკრაინელ ხალხს, თუმცა მას არ სურს უკრაინის ინტერესები საკუთარი ქვეყნის ინტერესებზე წინ დააყენოს.

  • ორბანმა ევროკავშირს ალტერნატიული გეგმა შესთავაზა, და რეკომენდაცია გაუწია განსაზღვრონ, თუ რამდენის გაცემა სურთ უკრაინის დასახმარებლად, ხოლო შემდეგ ეს თანხა ერთმანეთში "პროპორციულად და სამართლიანად" გაინაწილონ სესხის აღების გარეშე.
  • მისი თქმით, მზადაა უკრიანას $ 152-178 მილიონი გამოუყოს ორმხრივი პირობებით.

კონტექსტი: ორბანი, ფართოდ განიხილება, როგორც რუსეთის პრეზიდენტის უახლოესი მოკავშირე ევროკავშირში.

  • იგი ასევე ეწინააღმდეგებოდა მოსკოვის წინააღმდეგ სანქციების ბლოკს.