EPP ევროკავშირსა და პარტნიორებს მოუწოდებს, დასანქცირდეს ბიძინა ივანიშვილი
![](http://monica.on.ge/2020/12/23/47949879553_cec28f6a0f_c.jpg)
ფოტო: epp
ევროპის სახალხო პარტიამ (EPP) მიიღო რეზოლუცია საქართველოში მიმდინარე პროცესებზე, კერძოდ, დემოკრატიასა და პოლიტიკური დევნის შესახებ.
რატომ არის მნიშვნელოვანი: პარტია ამბობს, რომ საქართველოს მთავრობა უგულებელყოფს ევროკავშირის 12 რეკომენდაციას, მათივე განცხადებით, მედიამენეჯერისა და ყოფილი პრეზიდენტის, მიხეილ სააკაშვილის ციხეში ყოფნა, ამძაფრებს საქართველოს დემოკრატიულ რეგრესს.
- რეზოლუციაში ბიძინა ივანიშვილი ოლიგარქ მმართველადაა მოხსენიებული.
დეტალები: EPP მოწოდებებში ნათქვამია, რომ საქართველოს ხელისუფლებამ უნდა დაიცვას ხალხის ნება და ევროპულ გზას აუცილებელი რეფორმების განხორციელებით დაუბრუნოს.
- პარტია საქართველოს მთავრობას მოუწოდებს, მკაფიოდ დისტანცირდნენ და დაგმონ სიძულვილის შემცველი რიტორიკა და ყალბი ამბები ევროკავშირის კანდიდატის სტატუსით ვაჭრობასა და საქართველოში რუსეთის წინააღმდეგ მეორე ფრონტის გახსნა შესახებ.
- მათი თქმით, ამგვარი ინფორმაციის გავრცელებას მმართველი უმრავლესობა ახალისებს.
- ასევე, პარტია ქართულ ოცნებას მოუწოდებს, დაასრულოს პოლიტიკური ოპონენტებისა და თავისუფალი მედიის პოლიტიკური დევნა.
- EPP ამბობს, რომ უზრუნველყოს სააკაშვილის დაუყოვნებელი გათავისუფლება და სხვა ქვეყანაში შესაფერისი სამედიცინო მკურნალობისთვის გადაყვანა, ასევე მთავარი არხის დირექტორის, ნიკა გვარამიას ციხიდან გათავისუფლება.
ასევე, მოუწოდებს ევროკავშირსა და დემოკრატ პარტნიორებს, დაუწესონ პერსონალური სანქციები ოლიგარქ ბიძინა ივანიშვილს. საქართველოს ევროინტეგრაციის საბოტაჟში მისი როლისთვის.
- პარტიის თქმით, ივანიშვილს სანქციები უნდა დაუწესონ საქართველოსა და რეგიონული უსაფრთხოებისთვის საფრთხის შექმნისთვის.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები