ჰოლანდიის სასამართლომ გადაწყვეტილება დღეს, 17 ნოემბერს გამოაცხადა.

რატომ არის მნიშვნელოვანი: ბოინგ-777-ის ავიაკატასტროფა 2014 წელს უკრაინის თავზე მოხდა.

  • კომპანია Malaysia Airlines თვითმფრინავი რეისით MH17 ამსტერდამიდან კუალა-ლამპურში მიფრინავდა. ბორტზე 298 ადამიანი იყო, ყველა მათგანი გარდაიცვალა.
  • 2019 წელს ბოინგის ჩამოგდების საქმეზე ბრალი 4 პირს წაუყენეს. ოთხიდან სამი ბრალდებული რუსი ეროვნებისაა — იგორ გირკინი, სერგეი დუბინსკი და ოლეგ პულატოვი, ერთი კი უკრაინელი ლეონიდ ხარჩენკო.

დეტალები: ჰოლანდიის სასამართლომ დაადგინა, რომ რუსული წარმოების Buk რაკეტა გამოიყენეს მალაიზიის ავიახაზების რეისის ჩამოგდებისას.

  • სასამართლომ თქვა ისიც, რომ მოსკოვი აკონტროლებდა რუსეთის მიერ მხარდაჭერილ სეპარატისტებს, რომლებმაც Buk რაკეტა გაისროლეს.
  • სასამართლომ 4 ბრალდებულიდან, 2 რუსი და 1 უკრაინელი დამნაშავედ ცნო —
    მეოთხე ეჭვმიტანილი გამართლდა.

2018 წელს, ავსტრალიამ და ნიდერლანდებმა MH17-ის ავიაკატასტროფაში რუსეთი დაადანაშაულეს.

  • მაშინ რუსეთმა MH17-ის ავიაკატასტროფაში მონაწილეობა კიდევ ერთხელ უარყო.