ერთიანი ნაციონალური მოძრაობის გენერალური მდივნის, პეტრე ცისკარიშვილის განცხადებით, პარტიაში ხელახალი არჩევნების შესახებ საუბარი მას შემდეგ დაიწყო, როცა ნიკა მელიამ კეზერაშვილს ოლიგარქობაში დასდო ბრალი.

რატომ არის მნიშვნელოვანი: ერთიანი ნაციონალური მოძრაობის წევრთა ნაწილი პარტიის თავმჯდომარის ხელახალ არჩევნებს ითხოვს.

  • ენმ-ის თავმჯდომარემ, ნიკა მელიამ არჩევნები დააანონსა და განაცხადა, კოლეგებს ახალი არაფერი უთქვამთ და ამ საკითხებზე შიდაპარტიული, აქტიური, ყოველდღიური მსჯელობა ისედაც მიმდინარეობს.

დეტალები: პარტიის გენერალური მდივანი, პეტრე ცისკარიშვილი და საპარლამენტო ფრაქციის თავჯდომარე, ხატია დეკანოიძე არჩევნებში მონაწილეობის მიღებას არ აპირებენ.

პარტიის გენერალურმა მდივნის შეფასებით, მელიას მიერ კრიტიკული მედიის დამფუძნებლის ოლიგარქად მოხსენიება ქოცების მესიჯბოქსზე დაჯდომაა.

  • "როდესაც ევროპის მხრიდან დეოლიგარქიზაციაზეა საუბარი, და ჩვენი პარტიის თავჯდომარე, მთავარი ოპოზიციური პარტიის ლიდერი საუბრობს, რომ ოლიგარქი ივანიშვილი კი არა კეზერაშილია, ეს არ მოგვეწონა. [...] პოლიტიკურად ეს გაუმართლებელია, ესაა კრიტიკული მედიის დამფუძნებელზე თავდასხმა," — განაცხადა ცისკარიშცილმა ფორმულას ეთერში.