როგორც უკრაინის პრეზიდენტი ვოლოდიმირ ზელენსკი ამბობს, ეს ნაბიჯი საჭირო იყო ომის დროს თავდაცვის სექტორის გადაუდებელი საჭიროებების დასაკმაყოფილებლად.

რატომ არის მნიშვნელოვანი: როგორც Reuters წერს, ეს იყო ყველაზე მკვეთრი ჩარევა ომის დროს მსხვილ ბიზნესში.

  • გამოცემა აღნიშნავს, რომ ჩარევა შეეხო მაგნატებთან დაკავშირებულ კომპანიებს, რომელთა პოლიტიკური ძალაუფლების შემცირებას ზელენსკის გუნდი დიდი ხანია ცდილობს.
  • კომპანიებს შორისაა — თვითმფრინავის ძრავების მწარმოებელი ფირმა Motor Sich; ენერგეტიკული კომპანიები Ukrnafta და Ukrtatnafta; ტრანსფორმატორების მწარმოებელი Zaporizhtransformator და მანქანების მაწარმოებელი AvtoKrAZ.

დეტალები: გადაწყვეტილება უსაფრთხოების უმაღლესი თანამდებობის პირების შეხვედრაზე მიიღეს, რომელსაც შაბათს გაიმართა.

  • გადაწყვეტილება ძალაში კვირას შევიდა, რითაც კერძო წილები თავდაცვის სამინისტროს კონტროლს დაექვემდებარა.
  • ზელენსკის განცხადებით, ასეთი ნაბიჯები, რომლებიც აუცილებელია ქვეყნისთვის ომის პირობებში, ხორციელდება მოქმედი კანონების შესაბამისად და ხელს შეუწყობს თავდაცვის სექტორის გადაუდებელი საჭიროებების დაკმაყოფილებას.
  • "ამ რთულ დროს, ჩვენ მთელი ძალები უნდა მივმართოთ ჩვენი მიწისა და ხალხის გასათავისუფლებლად, უკრაინის არმიის მხარდასაჭერად", — წერს ზელენსკი.

გარდა ამისა, კომპანია Motor Sich-ის დირექტორი გასულ თვეში სახელმწიფოს ღალატის ბრალდებით დააკავეს.

  • უკრაინა აცხადებს, რომ ის რუსეთს ეხმარებოდა ვერტმფრენების და თვითმფრინავების ნაწილებით, ასევე კონტაქტი ჰქონდა რუსეთის სპეცსამსახურებთან.