ცესკოს თავმჯდომარემ გიორგი კალანდარიშვილმა ქონებრივი დეკლარაცია შეავსო, სადაც 2023 წელს მიღებულ შემოსავლებზე ინფორმაციას მოიცავს. ინფორმაციას bm.ge ავრცელებს. ცესკოს თავმჯდომარე 2023 წელს მიღებული ანაზღაურებებიდან ხელფასის სახით მიღებული აქვს 161,875 ლარი, რაც 2022 წელთან შედარებით 55,000 ლარით მეტია.

გიორგი კალანდარიშვილის ქონებრივი დეკლარაციის თანახმად, მისი მეუღლე სალომე ჩიკვილაძე ფლობს 66.9 კვადრატული მეტრის ფართის ბინას თბილისში შატბერაშვილის ქუჩაზე, ასევე თანასაკუთრებაშია 843 კვადრატული მეტრის მიწის ნაკვეთი ბაზალეთში, ასევე 100%-ით ფლობს 500 კვადრატული მეტრის მიწის ნაკვეთს ბაზალეთში და ასევე კიდევ ერთ 500 კვადრატული მეტრის მიწის ნაკვეთს ბაზალეთში, მისი შვილის სახელზეა რეგისტრირებული 750 კვადრატული მეტრის მიწის ნაკვეთი სოფელ დიღომში, თბილისში, ვაშლიჯვარში 71 კვადრატული მეტრის ბინა, დუშეთში სოფელ ახატანში 1,018 კვადრატული მეტრის მიწის ნაკვეთი, თბილისში შატბერაშვილის ქუჩაზე მდებარე 127 კვადრატული მეტრის ბინას, ამავე ქუჩაზე 16 კვადრატული მეტრის ავტოფარეხს, დუშეთში სოფელ ახატანში 617 კვადრატული მეტრის მიწის ნაკვეთს, რომელიც მისი შვილის თანასაკუთრებაშია, ასევე ამავე სოფელში მდებარე კიდევ ერთ 300 კვადრატული მეტრის მიწის ნაკვეთს, რომელიც ასევე თანასაკუთრებაშია.