ხაზარაძე: ერთი გზა არსებობს — პრეზიდენტის გადაწყვეტილება გვარამიას შეწყალებაზე

2 Nov. 2022, 13:21

ნიკა გვარამიას პატიმრობაში დატოვება და დღევანდელი სასამართლო გადაწყვეტილება კიდევ ერთხელ ადასტურებს, ქვეყანაში ერთი კაცის მმართველობას. მიტაცებულია და შურისძიების იარაღადაა ქცეული სასამართლო. შინაარსობრივად კი დღევანდელი გადაწყვეტილება აბსურდულია, უკანონოა და სამაგალითოა სხვების დასაშინებლად, დამოუკიდებელი მედიის მოსახრჩობად.

ამ უსამართლობის დასაბალანსებლად მხოლოდ ერთი გზა არსებობს — პრეზიდენტის გადაწყვეტილება — ნიკა გვარამიას შეწყალება. ის უნდა დადგეს საკუთარ წყენაზე მაღლა და საზოგადოების ინტერესების გამო დაივიწყოს ის კრიტიკა, რაც მიუღია თუნდაც ნიკასგან. ბიძინას მიერ მართული საბჭოთა პროკურატურის და სასამართლოს თარეში უნდა დასრულდეს! ქვეყანა ასეთი უსამართლობით — არც ევროპას სჭირდება და არც საქართველოს მოქალაქეებს!

ბოლო ამბები: