განსაკუთრებით დიდი ოდენობით უაქციზო თამბაქოს ნაწარმის, საბაჟო კონტროლისგან მალულად, საზღვარზე გადაზიდვის ბრალდებით ერთი პირი დააკავეს.

ფინანსთა სამინისტროს საგამოძიებო სამსახურის მტკიცებით, ბრალდებულმა, სამგზავრო ავტობუსით, სამალავის გამოყენებით, სარფის გამშვებ პუნქტზე, საბაჟო კონტროლისგან მალულად გადაზიდა 16 982 კოლოფი უაქციზო სიგარეტი Master.

საქმეზე გამოძიება მიმდინარეობს საქართველოს სისხლის სამართლის კოდექსის 214-ე მუხლის მეორე ნაწილით და მე-200 მუხლის მესამე ნაწილით, რაც სასჯელის სახით ითვალისწინებს თავისუფლების აღკვეთას ექვსიდან რვა წლამდე ვადით.