თუ არცთუ ისე კარგ ხასიათზე ხარ და უეცრად, გარშემო ღიმილიანი ადამიანების უწყვეტი ნაკადი შენიშნე, კარგად მიმოიხედე. შესაძლოა, ახლომახლო მინისოს ერთ-ერთი ფილიალია.

არ აქვს მნიშვნელობა, სამოგზაუროდ ემზადები, საყოფაცხოვრებო ნივთები გჭირდება, საჩუქარი გაქვს ასარჩევი, ბავშვისთვის სათამაშოს ეძებ თუ ახალი კოსმეტიკა გინდა — მინისოში სასურველ ნივთს ყველა ასაკის, სქესის, ინტერესისა და საჭიროების ადამიანი აღმოაჩენს. თანაც, ისეთს კი არა, ყველგან რომ ნახავ. ისეთს, რომელიც შენი ცხოვრების გამარტივებასა და საჭიროების დაკმაყოფილებასთან ერთად, ყოველ შეხედვაზე ღიმილს მოგგვრის.

მაგალითად, კარტოფილის ფორმის ბოსტნეულის სათლელს — აცა-ბაცა თვალებით რომ იყურება და სადილის მზადებისას, გათლის მოსაწყენ საქმიანობას, ყოველ ჯერზე გაგიხალისებს.

ან ღრუბლებიან თერმოსს, რომელზე შემოსკუპებული დათუნიაც, დაგვიანებული ფრენისგან გამოწვეულ იმედგაცრუებას სულ ღიმილ-ღიმილით გადაგატანინებს.

ან, სულაც, ვარდისფერი დათუნიას სანათს, თავზე მარწყვის გაფორმებით — მისი ხათრით, ბავშვები რომ ერთმანეთს დაძინებას დაასწრებენ.

როგორც მინისოში ამბობენ, პროდუქციის განსაკუთრებულობის გამო, მათი დაკვირვებით, ფილიალებში მოსიარულე ადამიანების უმრავლესობა, დახლებს ღიმილიანი სახით ათვალიერებს.

"შევამჩნიეთ, რომ მინისოს მრავალფეროვან, განსხვავებული ასაკის, ინტერესებისა და საჭიროებების მომხმარებლებს ერთი მთავარი რამ აერთიანებთ — მაღაზიაში მოსული ადამიანების უმრავლესობა, დახლებს შორის, ღიმილიანი სახით გადაადგილდება. ჩვენი პროდუქტების სახალისო დიზაინი და უჩვეულო ფუნქციები მომხმარებლებისთვის ყოველთვის ღიმილისმომგვრელია და დადებით ემოციებს იწვევს", — მინისოს მარკეტინგის დეპარტამენტის ხელმძღვანელი, მარიამ ჯანჯღავა.

სწორედ ამ ბუნებრივ დაკვირვებაზე დაყრდნობით შეიქმნა მინისოს ახალი გზავნილი და ბრენდის განაცხადი — ღიმილისმომგვრელი ნივთების მაღაზია.

"მინისოს მთავარი იდეა პატარა დეტალებით ყოველდღიური ცხოვრების გახალისება და გამარტივებაა. ჩვენს დახლებზე, მომხმარებელი, ყოველ ჯერზე, უამრავ საინტერესო ნივთს პოულობს. უჩვეულო პროდუქტებს, რომელთა არსებობის შესახებ აქამდე არ იცოდა და ისეთ ნივთებსაც, რომლებიც ძალიან სჭირდებოდა. თუმცა, ჩვეულებრივს არა — არაჩვეულებრივს. ბაზარზე ჩვენი მთავარი განმასხვავებელი სწორედ პროდუქტების უნიკალურობაა — სათლელის ყიდვა ყველგან შეიძლება, თუმცა, ისეთის, როგორიც მინისოშია — არსად. სათამაშოებსაც ბევრგან იყიდი, სახის სპონჯებსაც, სამოგზაურო ნივთებსაც, აქსესუარებსაც. თუმცა, ისეთებს, რომლებიც ყოველი შეხედვისას ღიმილს მოგგვრიან და ყველაზე მოსაწყენ პროცესებსაც სახალისოდ აქცევენ, მხოლოდ მინისოში აღმოაჩენ.

კიდევ უფრო სახალისოა ის, რომ მინისოში პროდუქცია განუწყვეტლივ ახლდება — დახლებს ახალ-ახალი ნივთებით თვეში რამდენიმეჯერ ვავსებთ და ყოველ ჯერზე, როცა მომხმარებელი ფილიალს სტუმრობს, სულ სხვა კოლექცია ხვდება. შესაბამისად, ჩვენი ერთგული მომხმარებლები, ჩვენთან ერთად, დაუსრულებელი აღმოჩენების თავგადასავალში მოგზაურობენ. ამიტომ, თუ საკუთარი თავის არაჩვეულებრივი ნივთებით განებივრებას გადაწყვეტთ, ან სტრესი, უხასიათობა და მოწყენილობა შემოგიტევთ, ღიმილის თერაპიისთვის, მინისოში გელით", — მარიამ ჯანჯღავა.