ინფორმაცია ამის შესახებ კლინიკა მედცენტრმა დაადასტურა. როგორც ცნობილია, ის უცხო ქვეყნის მოქალაქეა.

რა მოხდა: გუშინ, 18 ოქტომბერს გავრცელდა ინფორმაცია, რომ ბათუმის ბულვარში ცეცხლსასროლი იარაღით რამდენიმე ადამიანი დაჭრეს.

ექიმის, დავით ხიმშიაშვილის თქმით, გუშინ ღამით კლინიკაში სამი პაციენტი, ერთი ქალი და ორი კაცი შეიყვანეს.

  • მისი განცხადებით, 19 წლის კაცს სიცოცხლესთან შეუთავსებელი ჭრილობები, თავისა და გულ-მკერდის არეში ჰქონდა მიყენებული.
  • ასევე, ამბობს, რომ ორ პაციენტს პირველადი დახმარება ჩაუტარდა და ისინი უკვე კლინიკიდან გაწერეს.

On.ge-ს შინაგან საქმეთა სამინისტროში განუცხადეს, რომ მომხდარზე 4 პირი დააკავეს და გამოძიება სისხლის სამართლის 19 109 მუხლით მიმდინარეობს, რაც დამამძიმებელ გარემოებაში განზრახ მკვლელობის მცდელობას გულისხმობს.

  • შსს-ს ცნობითვე, გამოძიება 236-ე, ცეცხლსასროლი იარაღის მართლსაწინააღმდეგო შეძენა, შენახვა, ტარების მუხლითაცაა დაწყებული.