სხვა სამყაროს ფრენჩაიზი უკვე დიდი ხანია არსებობს და კინო ეკრანებს წარმატებითაც იპყრობს. ვამპირებისა და მაქციების ომის შესახებ გადაღებული სერიების პირველი ფილმი 2003 წელს გამოვიდა და მაშინვე დიდი პოპულარობა მოიპოვა.

ამ ფილმებმა მითიური არსებების ამბები სხვა კუთხით მოგვითხრეს და მანამდე არსებული საზღვრებიდან გავიდნენ.

წარმოგიდგენთ ყველაზე საინტერესო ფაქტებს სხვა სამყაროს შესახებ, რომლებიც აქამდე არ იცოდით:

ფილმი იმდენად წარმატებული აღმოჩნდა, სტუდიამ მხოლოდ კანადაში გაყიდული ბილეთების შედეგებზე დაფუძნებით მიიღო გადაწყვეტილება, რომ პრიქველი და სიქველი გადაეღოთ.

ლენ უაიზმანს ეპიზოდურ როლში დევიდ ბოუის მოწვევა სურდა. მომღერალს წვეულების სტუმარი ვამპირის როლი უნდა შეესრულებინა, მაგრამ ეს გეგმა ჩაიშალა.

მთავარ როლზე რონა მიტრა, ჰოლი ბერი და მილა იოვოვიჩი განიხილებოდნენ.

ტონი კურანმა კონტრაქტში შეატანინა პუნქტი, რომლის მიხედვითაც მას ვამპირის ეშვების ტარება მაშინაც შეეძლო, როცა გადაღებები არ მიდიოდა.

ტრილოგიის დასრულების შემდეგ, კეიტ ბეკინსეილს ფრენჩაიზში თამაში აღარ უნდოდა, მაგრამ მას შემდეგ, რაც უთხრეს, რომ მომდევნო ფილმების სიუჟეტები წარსულის ნაცვლად მომავალში განვითარდებოდა, ახალ როლს დასთანხმდა

ჩაუჯექით სისხლისმსმელებისა და მათი დაუძინებელი მტრების ეპიკურ დაპირისპირებას GDS-ზე, შაბათს, 27 მაისს.

16:30 სხვა სამყარო
19:00 სხვა სამყარო: ევოლუცია
21:00 სხვა სამყარო: ლიკანების აჯანყება
22:30 სხვა სამყარო: გამოღვიძება