ინფორმაცია ხეჩინაშვილის კლინიკის ექიმმა დაადასტურა.

ექიმის თქმით, 13 წლის გოგო კლინიკაში გულის გაჩერებით შეიყვანეს — "რეანიმაციული ღონისძიებები უშედეგო აღმოჩნდა და დაფიქსირდა ბიოლოგიური სიკვდილი".

  • მეორე მოზარდი ბიჭის მდგომარეობა სტაბილურია და მართვით სუნთქვაზე იმყოფება.

დეტალები: დღეს, 13 ოქტომბერს ვაკის პარკში ორი ბავშვი შადრევანში ჩავიდა და დენმა დაარტყა.

  • მომხდარზე გამოძიება სისხლის სამართლის კოდექსი 240-ე პრიმა მუხლით არის დაწყებული, რაც ელექტრო, ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს.
  • თბილისის მერის, კახა კალაძის თქმით, აღნიშნულზე პასუხი მოეთხოვება შესაბამის კომპანიებს, ვინც მუშაობდა რეაბილიტაციაში.

ვაკის პარკში გუშინ, 12 ოქტომბერს მცირე კასკადისა და მრგვალი შადრევნის რეაბილიტაცია დასრულდა.

  • მერიის ცნობით, მცირე კასკადისა და მრგვალი შადრევნის სარეაბილიტაციო სამუშაოების ღირებულება 6 500 000 ლარია.
  • ჯამში, ვაკის პარკის განახლების პროექტი, გამწვანებისა და ინფრასტრუქტურული სამუშაოების ჩათვლით, 33 000 000 ლარს შეადგენს.