უკრაინის პრეზიდენტის განცხადებას Reuters ავრცელებს.

რატომ არის მნიშვნელოვანი: საოკუპაციო ძალები ფრონტის ხაზზე წარუმატებლობის პარალელურად, ინტენსიურად ბომბავენ ქალაქებს, მშვიდობიან მოქალაქეებსა და კრიტიკულ ინფრასტრუქტურას.

  • უკრაინა აქტიურად მოუწოდებს პარტნიორებს, რომ მშვიდობიანი მოქალაქეების დასაცავად, მეტი თანამედროვე საჰაერო და სარაკეტო თავდაცვის სისტემები მიაწოდონ.

დეტალები: მედიის ცნობით, ვოლოდიმირ ზელენსკიმ ამის შესახებ ევროპის საბჭო საპარლამენტო ასამბლეის კითხვა-პასუხის სესიაზე ისაუბრა.

  • მან გამორიცხა ყოველგვარი დიპლომატიური კავშირები რუსეთთან და აღნიშნა, რომ შეუძლებელია დიპლომატია ლიდერებთან, რომლებიც საერთაშორისო სამართალს პატივს არ სცემენ.