გერმანულმა ტელეარხმა Deutsche Welle-მ გამოაქვეყნა ჟურნალისტების მიერ მოპოვებული მანჩესტერის ტერაქტის სამხილების ვიდეომასალა.

მოპოვებული სამხილებში ასაფეთქებელი მოწყობილობის ნარჩენი ჩანს, იქვე არის ბომბის სამართავი მოწყობილობა, რომელიც თავდამსხმელს მარცხენა ხელში ეჭირა. სამხილებს შორისაა 12-ვოლტიანი ბატარეაა და სპეციალური ხრახნები, რომ რაც შეიძლება დიდი მსხვერპლი ჰყოლოდა აფეთქებას. Deutsche Welle-მ გაავრცელა 22 წლის თავდამსხმელის, სალმანა აბედის მიერ ტერაქტამდე ცოტა ხნით ადრე გადაღებული ფოტოსურათი . ფოტოზე სალმანა ზურგჩანთითაა, რომელშიც ბომბი დევს. ამ ზურგჩანთის ნარჩენებიც სამხილებს შორისაა.

Deutsche Welle-ს ინფორმაციით, ტერორისტის კვალი გერმანიაში მიდის. მათი წყარო გერმანული ჟურნალი არის Focus, რომელმაც გამოაქვეყნა ბრიტანეთის ტერაქტამდე ოთხი დღით ადრე გადაღებული ფოტოები, რომელზეც აღბეჭდილია ეჭვმიტანილი სალმან აბედი, რომელიც გერმანიაში იმყოფებოდა. სალმან აბედი მაშინ დიუსელდორფის აეროპორტიდან ბრიტანეთში გაფრინდა.

სალმან აბედი გერმანიაში პირველად არ იმყოფებოდა. 2015 წელს ის სირიის სასწავლო ბანაკში იმყოფებოდა, საიდანაც ფრანკფურტის გავლით ბრიტანეთში დაბრუნდა. ლონდონის საქალაქო პოლიციის სამსახურმა გააფრთხილა გერმანელი კოლეგები, თუმცა როგორც ცნობილია, აბედი არ ირიცხებოდა არცერთ საერთაშორისო საგამოძიებო სისტემაში, რომელიც მონიტორინგს უწევენ ტერორიზმში ეჭვმიტანილთა გადაადგილებას.

გერმანელი სამართალდამცავების მონაცემებით, მიმდინარეობს გამოძიება, რათა დაადგინონ, ჰქონდა თუ არა კონტაქტი აბედს ისლამისტებთან, რომლებიც იბრძოდნენ სირიაში. პოლიციის ინფორმაციით, სალმანა აბედი მარტო არ მოქმედებდა.

დდიდ ბრიტანეთში, მანჩესტერ არენაზე, მომღერალი არიანა გრანდეს კონცერტის შემდეგ ორი აფეთქება მოხდა. პოლიციის ინფორმაციით 22-ზე მეტი ადამიანი დაიღუპა, მათი უმრავლესობა ბავშვები და თინეიჯერები იყვნენ, 75-ზე მეტი ახალგაზრდა კი მძიმედ დაშავდა.