დიდ ბრიტანეთში, მანჩესტერ არენაზე, არიანა გრანდეს კონცერტის შემდეგ მომხდარი აფეთქების შედეგად დაღუპულთა რიცხვი 22-მდე გაიზარდა. BBC-ის ცნობით, გარდაცვლილთა შორის არიან ბავშვები. სავარაუდო თვითმკვლელი ტერორისტის თავდასხმის დროს, ასევე, დაშავდა 59 ადამიანი.

იმ შემთხვევაში, თუ ინციდენტს ტერორისტული აქტის კვალიფიკაცია მიენიჭა, ეს იქნება ყველაზე სისხლიანი თავდასხმა ბრიტანეთის ისტორიაში, 2005 წლის დაბომბვის შემდეგ, რომელმაც 52 ადამიანის სიცოცხლე შეიწირა.

კონცერტზე დამსწრეები, მათ შორის უმრავლესობა გრანდეს ახალგაზრდა ფანები, მანჩესტერ არენას ტოვებდნენ, როდესაც აფეთქების ხმამ მოიცვა არეალი. ინციდენტი გრანდეს მიერ სცენის დატოვებიდან რამდენიმე წუთში მოხდა.

ინციდენტიდან რამდენიმე საათში, არიანა გრანდემ დატვიტა:

"განადგურებული ვარ. მთელი გულით ვწუხვარ. სიტყვები არ მყოფნის."