მადონას ტიკტოკმა, რომელიც ინტერნეტში ვირუსულად გავრცელდა, სოციალური ქსელების მომხმარებლების აზრთა სხვადასხვაობა გამოიწვია. მომღერლის ფანების ნაწილი ფიქრობს, რომ მადონა დაქამინგაუთდა, მეორე ნაწილს კი ამაში ეჭვი ეპარება.

@madonna

♬ original sound - nudy georges

ტიკტოკის ვიდეოში მადონას ხელში ვარდისფერი საცვალი უჭირავს და ურნაში ისვრის. ვიდეოს ასეთი წარწერა აქვს: "თუ ავაცილე, ესე იგი გეი ვარ". მადონამ ეს ვიდეო ტიკტოკის ბოლოდროინდელი ტრენდის მიხედვით გადაიღო. ამ ტრენდის ვიდეოებში ტიკტოკერები სამიზნეს ნივთებს განზრახ აცილებენ, რაც ავტომატურად სხვადასხვა რამის აღიარებას ნიშნავს. ამის მსგავსად მადონამ საცვალი ურნას ააცილა, ამიტომ ფანები ფიქრობენ, რომ ის დაქამინგაუთდა.

დიდი ხანია, რაც მადონა LGBTQ+ ადამიანების დამცველად და მოკავშირედ ითვლება. რაც შეეხება მომღერლის სექსუალურ ორიენტაციას, ამის შესახებ მადონას ოფიციალური განცხადება არ გაუკეთებია. მომღერალმა 1991 წლის ინტერვიუში აღნიშნა, რომ მისი აზრით, ყოველი ადამიანი ბუნებით ბისექსუალია.