კიბერუსაფრთხოების კომპანია Check Point ინტერნეტ მომხმარებლებს აფრთხილებს, რომ ინტერნეტიდან სუბტიტრების გამოწერას მოერიდონ.

კომპანიის განცხადებაში ნათქვამია, რომ VLC-ის, Popcorn Time-ის, Kodi-სა და Stremio-ს მომხმარებლები განსაკუთრებული საფრთხის ქვეშ არიან, რადგან ეს პროგრამები მსგავსი ტიპის თავდასხმისგან დაცულები არ არიან.

სუბტიტრებად შენიღბული ფაილი ჩატვირთვის შემდეგ ჰაკერს საშუალებას აძლევს თქვენი კომპიუტერი სრულად აკონტროლოს:

როგორც წესი, მსგავსი ტიპის ფაილები სუბტიტრების სპეციალიზებულ საიტებზე გვხვდება. მაგალითად, როგორიცაა Opensubttiles.org. ამ საიტებზე სუბტიტრების ფაილების რეიტინგებს მომხმარებლები ადგენენ, რაც იძლევა იმის განცდას, რომ კონკრეტული ფაილი ბევრმა ადამიანმა გამოიყენა და შესაბამისად, უსაფრთხოა. თუმცა ჰაკერებს რეიტინგების მანიპულაციის საშუალება აქვთ და ყალბ ფაილებს სიების სათავეებში აქცევენ.

Check Point-ის ცნობით, აღნიშნული ფაილები ამჟამად ასობით მილიონი ადამიანის კომპიუტერშია.

"ჰაკერებს ყველა მოწყობილობაში შეღწევა შეუძლიათ, რომლებშიც ეს ფაილები მოხვდა, იქნება ეს პერსონალური კომპიუტერი, სმარტფონი თუ სმარტ-ტელევიზორები", ნათქვამია ჩექ ფოინთის განცხადებაში.

აღნიშნული ინფორმაციის გავრცელების შემდეგ, ზემოთ ჩამოთვლილმა ყველა კომპანიამ პროგრამების განახლებული ვერსიები გამოუშვა, რომელშიც უსაფრთხოების პარამეტრები შეცვალა და ჰაკერების აღმოჩენილი ხვრელი ამოავსო.

თუ თქვენც იყენებთ რომელიმე მათგანს, აუცილებლად განაახლეთ.