ვლადიმერ პუტინის კომენტარს პროპაგანდისტული მედია Ria ავრცელებს.

რატომ არის მნიშვნელოვანი: უკრაინის წინააღმდეგ წარმოებული აგრესიული ომის შემდეგ, ვლადიმერ პუტინი და სრულიად რუსეთი დასავლეთმა იზოლაციაში მოაქცია.

  • პუტინი ამტკიცებს, რომ "რუსეთს სანქციები უმიზეზოდ დაუწესეს" და ამის პარალელურად ენერგო რესურსებით დასავლეთის შანტაჟს ცდილობს.

დეტალები: ამის შესახებ პუტინმა ბელარუსის პრეზიდენტთან, ალექსანდრე ლუკაშენკოსთან შეხვედრის დროს ისაუბრა.

  • ლუკაშენკოს თქმით, უკვე ბევრჯერ განაცხადა, რომ ევროპის მომავალი მათთან ერთადაა, რის პასუხადაც პუტინმა დასავლეთისგან პატივისცემა მოითხოვა;
  • "ჩვენ (რუსეთის ფედერაციას) პატივისცემით უნდა მოგვეპყრონ", — განაცხადა ოკუპანტი ქვეყნის პრეზიდენტმა.

არქივიდან: 21 სექტემბერს პუტინმა რუსეთში "ნაწილობრივი მობილიზაცია" გამოაცხადა — მას შემდეგ რუსეთის მოქალაქეები ქვეყნის დატოვებას ცდილობენ, საზღვრებთან და აეროპორტებში რამდენიმესაათიანი რიგებია.

  • აქამდე რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა;
  • ამ გადაწყვეტილებით კი გამოჩნდა, რომ რუსეთი არსებული რესურსებით უკრაინულ ძალებს ვერ უმკლავდება.