ინფორმაციას ამის შესახებ საერთაშორისო მედიები ავრელებენ.

რატომ არის მნიშვნელოვანი: ირანში მასობრივი პროტესტი გრძელდება. გამოსვლები 22 წლის ქალის, მაჰსა ამინის დაღუპვას მოჰყვა.

  • ის ე.წ. მორალის პოლიციამ "ჰიჯაბის ტარების წესის დარღვევისთვის" 13 სექტემბერს დააპატიმრა.
  • თვითმხილველების თქმით, პოლიციის მანქანაში ჩასმის შემდეგ მაჰსას ფიზიკურად გაუსწორდნენ, მოგვიანებით კი ქალი გარდაიცვალა.

აქციები ქვეყნის მასშტაბით 31 პროვინციაში და 133 ქალაქში იმართება. მათ წინააღმდეგ რეჟიმი საპოლიციო ძალებსა და სამხედროებს იყენებს.

  • დემონსტრანტები წვავენ ირანის უზენაესი ლიდერის, აიათოლა ალი ხამენეის ქანდაკებებსა და ფოტოებს და სკანდირებდნენ ლოზუნგებს მთავრობის წინააღმდეგ.
  • სოლიდარობის გამოსახატად ქალები იჭრიან თმას და წვავენ ჰიჯაბს.
  • არსებული ინფორმაციით, უსაფრთხოების ძალებთან შეტაკების დროს 35-მდე ადამიანი დაიღუპა.
  • ირანის ოფიციალური პირები კი აცხადებენ, რომ დაღუპულია უშიშროების 5 თანამშრომელიც.

პრეზიდენტმა განაცხადა, რომ "გადამწყვეტად იმოქმედებს" საპროტესტო გამოსვლების წინააღმდეგ.

  • მან აქციის მონაწილეები დაადანაშაულა არეულობის წაქეზებაში და პირობა დადო, რომ გაუმკლავდება "მათ, ვინც ეწინააღმდეგება ქვეყნის უსაფრთხოებასა და სიმშვიდეს".