ამის შესახებ Reuters იუწყება.

რატომ არის მნიშვნელოვანი: 12 სექტემბერს დილით გავრცელდა ინფორმაცია, რომ აზერბაიჯანულმა მხარემ ცეცხლი გაუხსნა მთიან ყარაბაღის ორ დასახლებას — კარმირ შუკასა და თაღავარდს.

  • აზერბაიჯანის თავდაცვის სამინისტრო კი ამტკიცებდა, რომ სომხეთის შეიარაღებული ძალები რამდენიმე დღეა აზერბაიჯანის პოზიციების მიმართულებით ისვრიან, რასაც სომხეთის უარყოფდა;
  • საღამოს კი ცნობილი გახდა, რომ აზერბაიჯანი სომხეთის 3 ქალაქს ინტენსიურად ბომბავდა.
  • 13 სექტემბერს სხვადასხვა წყარო ავრცელებდა ინფორმაციას, რომ აზერბაიჯანი და სომხეთი ცეცხლის შეწყვეტაზე შეთანხმდნენ. მოგვიანებით, ეს რუსეთმა ოფიციალურად დაადასტურა, თუმცა სროლა არ შეწყვეტილა.
  • 15 სეტქემბერს კი სომხეთმა განაცხადა, რომ ცეცხლის შეწყვეტის შეთანხმება მიღწეულია.

დეტალები: ამერიკის შეერთებული შტატების წარმომადგენელთა პალატის სპიკერი ერევანში 17 სექტემბერს ჩაფრინდა.

  • ერევანში მან აზერბაიჯანის თავდასხმებს არალეგალური უწოდა.
  • "ჩვენ მკაცრად ვგმობთ ამ თავდასხმებს", — თქვა პელოსიმ სომხეთის პარლამენტის სპიკერ ალენ სიმონიანთან ერთად

საპასუხოდ, აზერბაიჯანმა პელოსის განცხადებებს სამწუხარო უწოდა და აღნიშნა, რომ მისი სიტყვები კავკასიაში მშვიდობას უქმნის საფრთხეს.

  • "დაუსაბუთებელი და უსამართლო ბრალდებები, რომლებიც მან აზერბაიჯანის წინააღმდეგ წამოაყენა, მიუღებელია", — ნათქვამია ქვეყნის საგარეო საქმეთა სამინისტროს განცხადებაში.
  • გარდა ამისა, უწყებაში თქვეს ისიც, რომ ეს სომხეთსა და აზერბაიჯანს შორის ურთიერთობის ნორმალიზების მცდელობებს სერიოზულ დარტყმას აყენებს.