ომის კვლევის ანგარიშში (ISW) რუსეთის თავდაცვის მინისტრის პოტენციურ შემცვლელზეა საუბარი.

რატომ არის მნიშვნელოვანი: ანგარიშის თანახმად, შოიგუს ნაცვლად, შესაძლოა, ვაგნერის ჯგუფის მეთაური, ევგენი პრიგოჟინი დაინიშნოს.

  • რუსეთი კერძო სამხედრო კომპანია ვაგნერს მსოფლიოს სხვადასხვა ბრძოლაში იყენებს. დასავლეთმა ვაგნერის დაჯგუფებას სანქციებიც დაუწესა.
  • ბრიტანეთის დაზვერვის განცხადებით, რუსეთი ვაგნერის დაჯგუფებას ფრონტის ხაზის გასაძლიერებლად იყენებდა.

დეტალები: ანალიტიკოსების აზრით, კრემლის ექსპერტები ხარკოვში განცდილ მარცხში შოიგუს ადანაშაულებენ.

  • ამის ფონზე კი როცა პუტინის "მზარეულად" წოდებული პრიგოჟინი თავს იწონებს იმით, რომ "სტალინისებური მეთოდით" ომში პატიმრებს რთავს და ამით საყოველთაო მობილიზაციის გამოცხადებას ირიდებს".
  • ანგარიშში, ასევე, მითითებულია, რომ ის პრიგოჟინი უკრაინაში რუსული "სპეციალური სამხედრო ოპერაციის" სახედ ჩამოყალიბდა.

კონტექსტი: გასულ თვეს ბრიტანეთის დაზვერვამ გაავრცელა ინფორმაცია, რომ ომში წარუმატებლობის გამო, პუტინმა შოიგუ გვერდზე გაწია.

  • ამბობდნენ, რომ შოიგუ დიდხანს იბრძოდა საკუთარი რეპუტაციისთვის, რადგან სამხედრო გამოცდილება არ აქვს, კარიერის უმეტესი ნაწილი კი სამშენებლო სექტორსა და საგანგებო სიტუაციების სამინისტროში აქვს გატარებული.